Mundua -
Erreakzioak
Alemaniako Gobernuak elkartasuna adierazi die Munsterreko biktimei
Bestalde, Espainiako Gobernuak Alemaniaren mesedetan jarri du bere burua, "edozein motatako babesarako, Europa osatzen dugunok justizia eta segurtasun komuneko alorra partekatzen baitugu".
AGENTZIAK | ERREDAKZIOA
Alemaniako Gobernuak bere elkartasuna adierazi die Munster hiriko erdigunean izandako harrapaketa masiboaren ondorioz hildako lagunei.
"Berri ikaragarriak heldu zaizkigu Munsterretik. Ipar Renania-Westfaliako Polizia jazoeraren informazioa helarazten ari da. Biktimekin eta euren senideekin gaude", esan du Ulrike Demmer Alemaniako Gobernuko bozeramaileordeak Twitterren bidez.
Bestalde, Espainiako Gobernuak ere elkartasuna eta babesa eskaini dizkio Alemaniako herriari. Kazetariei Sevillan Rafael Catala Justizia ministroak egindako adierazpenetan, azpimarratu du Espainiako Gobernuak konpromiso sendo duela terrorismoaren aurka Espainian eta Europa osoan.
Gainera, Juan Ignacio Zoido Barne ministroak Alemaniaren mesedetan jarri du Espainia, "edozein motatako babesarako, Europa osatzen dugunok justizia eta segurtasun komuneko alorra partekatzen dugulako".
