Israel, etorkizuneko potentzia energetikoa

Israelek iragarri du gas natural erreserba handi bat aurkitu duela itsasoan. Aurkikuntza honekin, Israelek bere beharrizan energetiko guztiak ase ahal izango dituela diote adituek, eta gainera, gas esportatzaile ere bilakatuko dela.

Baina egoera beti da zaila munduko toki horretan. Libanok dio gas erreserba horren zati bat bere lurraldean dagoela eta bere eskubideak defendatuko dituela. Hori besterik ez zen falta.

Orain arte, israeldarrak eta arabiarrak borrokan aritu izan dira baliabide naturalak ez zituen lurralde bategatik. Ba hori jada ez da horrela, eta gainera, mundu guztiak horrenbeste behar duena du: energia.

Gas erreserba esaten dutena bezain handia bada, Israelek, garrantzia ekonomikoa izateaz gain, bere eragin politikoa areagotuko luke. Horrela, Europa izan daiteke Israelen merkatu berria, mendekotasun handia baitu Errusiako gasarekiko.

Hau gertatzen bada, oraindik eta zailagoa izango da Israeli lurralde palestinarra ez okupatzeko eskatzea.