Hildako txorien erauntsia, Suedian eta AEBetan

Gertakari bitxi batek kezka zabaldu du Suediako eta AEBetako herritarren artean, zerutik hildako txoriak erortzen direla ikusi dute eta. Dagoeneko milaka txori erori dira ziplo munduko hainbat lekutan.

Hori horrela, azkeneko kasua Suedian gertatu da. Falköping-eko kaleetan dozenaka txori agertu dira hilda, eta ez dakite zergatik.

Dozenaka belatxiki erori dira zerutik eta albaitarien esku jarri dituzte zergatik hil diren argi dezaten.

Aurretik, baina, abenduaren 31ko gauerdia aldera, Arkansaseko Beebe herrian 5.000tik gora txori agertu ziren hilda, eta agintariek uste dute tximisten, kazkabarraren edo suzirien ondorioz hil zirela.

Joan den astelehenean ere antzeko kasua izan zen Lousianan. 500 hegaztitik gora hil ziren Pointe Couppen.