Mundua -
Bagdag
Familia bateko bost lagun hil dituzte Iraken, erasoaldi batean
Antza denez, gizonezko talde bat familiaren etxebizitzan sartu da eta tiroka hil ditu gurasoak eta horien hiru seme-alabak.
Erredakzioa
Familia bereko bost kide hil ditu bart talde armatu batek Bagdageko ipar-mendebaldean, Eferi Poliziaren iturri batek jakinarazi dionez.
Aipatutako iturriaren arabera, ezezagun talde bat goizaldean sartu da familiaren etxebizitzan Al Huseiniya auzoan (gehiengo xiita), hiriburuaren ipar-mendebaldean, eta tiroka hil ditu senar-emazteak eta horien seme-alabak.
Erasotzaileek ihes egin dute eta ez dakite nora jo duten. Handik gutxira hainbat polizia-auto bertaratu da eta, geroago, hilotzak gorputegira eraman dituzte.
Erasotzaileak topatzeko ikerketa abiatu dute dagoeneko.
Hau zure interesekoa bada, baliteke beste gai hauek ere izatea