Tunisian harrapatutako 38 donostiarrak etxean dira dagoeneko

Donstiako campuseko 38 ingeniaritza ikasleak eguerdian iritsi dira Gipuzkoako azken orduak Tunisiako aireportuan harrapatuta igaro ondoren. Goizaldean hegaldi bat hartzea lortu dute eta Madrilera iritsi dira.

Azken orduan Tuniseko aireportuan "inguratuta" igaro dituzte etxera itzultzeko hartu behar zuten hegaldia "azalpenik gabe" bertan behera geratu ondoren. Horixe da Joseba Diaz ikasleak Efe-Radiori adierazi ziona.

Diaz eta Nafarroako Tecnum Unibertsitateak Donostian duen egoitzako beste 37 ikasle Tunezen bidaia egiten ari ziren salbuespen egoerak, istiluek eta Ben Ali presidentearen ihesak bertan harrapatu dituztenean.

Joseba Diazek atzo adierazi zuenez, ikasleak aireportuan "giltzapetuta" zeuden eta leihoetatik begiratzen zutenean "kea" ikusten zuten. Gainera, "inolako informaziorik" ez zutela kexu ziren.

Larunbatean etxera itzultzea espero zuten baina "hegaldia bertan behera utzi dute" inolako azalpenik eman gabe, "informazio puntu guztiak hutsik daude, ez dago inor", azaldu zuen Diazek.