Mundua -
Iraultza demokratikoa
Bahraingo oposizioak aldaketak eskatu ditu Gobernuarekin hitz egiteko
Oposizioko zazpi talde nagusiek Gobernuarekin negoziatzeko "giro egokia" exijitzen dute. Bestalde, sindikatuek igande honetarako deituta zuten greba bertan behera utzi dute.
Erredakzioa
Gobernuak egindako negoziazio eskaintzari baldintzak jarri dizkio Bahraineko oposizioak; erreforma politikoak nahi ditu, elkarrizketei heldu aurretik.
Larunbatean, Gobernuak protestei arrazoia kentzen saiatu zen Polizia eta Armada protesten gunetik, Manamako Lulu plazatik, erretiratuz. Horrez gain elkarrizketa nazional batean parte hartzeko eskaintza luzatu zien oposizioko taldeei.
Baina igande honetan jakitera emandako komunikatuaren arabera, oposizioko zazpi talde nagusiek baldintzak jarri dizkiote eskaintza horri: "elkarrizketa serio bay izan eta erreforma garrantzitsuak egiteko" ezinbestekoa ikuste dute Gobernuak neurriak hartzea, bate ere, negoziazio horietarako "giro egokia" sortzeko.
Greba, bertan behera
Bestalde, sindikatuek igande honetarako deitutako greba bertan behera utzi dute.
Greba larunbatean deitu zuen Bahraineko Sindikatuen Federazioak, hilaren 14an piztutako protestei bultzada emateko. Momentura arte, protesta horietan dozena erdi pertsona hil dira.