La 'Ndrangheta Calabriako mafiako 40 usteko kide atxilotu dituzte

Italiako Poliziak la ''Ndrangheta Calabriako mafiako 40 usteko kide atxilotu dituzte. Italian, Alemanian, Kanadan eta Australian burutu dute "Crimine 2" polizia operazioa.

Iturri polizialen arabera, 41 atxilotzeko agindu eman zituzten: beste delitu batzuengatik Italian espetxeratuko zazpi lagunentzat; bi pertsona Australian atzeman dituzte; bost, Kanada eta sei, Alemanian; eta gainerakoak, Reggio Calabriako probintzian (Italiako hegoaldean).

Italiako jarduera ekonomikoa kontrolatzen duen mafiako kide izatea egozten diete atxilotuei, besteak beste, estortsioa, lukurreria, hilketak etab. leporatzen dizkiete.

2010eko uztailean burututakoaren jarraipena da operazio hau; orduan, 300 lagun inguru atxilotu zituzten Italian.