Beste egun bat alarma nuklearrarekin Japonian

20:26 Fukushima-1 zentralean argindarra berrezarri behar dutela jakinarazi du TEPCO enpresak.

19:13 Krisi atomikoari aurre egiteko makineria eskaini dio Japoniari Alemaniak.

18:54 Suhiltzaileen kamioiak ura botatzen ari dira Fukushima-1 zentralaren hirugarren erreaktorean.

18:45 Frantziak robotak eta beste baliabide batzuk bidali ditu Japoniara erradioaktibitateko zonetan lan egiteko.

18:05 Erradioaktibitatea AEBetara helduko ez dela uste du bertako agentzia nuklearrak.

18:01 Fukushimako egoera "oso larria", baina "egonkorra" dela adierazi du OIEAk.

16:42 Finlandiak badaezpada Hiroshiman ezarri du orain arte Tokion zuen envasada.

15:35 IAEAk ezohiko bilera egingo du datorren astelehenean Vienan Japoniako krisi nuklearra aztertzeko.

15:13 Lurrikara eta tsunamiaren ondorioz gutxienez 6.900 pertsona hil dira eta 10.700 desagertuta daude.

15:12 Espainiako Gobernuak 450 bidaiarirentzako tokia duen hegazkina bidaliko du Japoniara espainiarrak handik ateratzeko.

15:05 Japoniako krisi nuklearra aztertzeko bilera egingo du IAEAk astelehenean.

14:18 Europar Batasunak teknikariak eta materiala bidaliko ditu Fukushimako zentraleko larrialdi planean lagun dezaten.

13:51 Munduko Osasun Erakundeak ez du osasunerako arriskurik ikusten eta momentuz ez du Japoniarako bidaiak debekatzea ikusten.

13:46 Tsunamiak eta lurrikarak kaltetutako inguruetan oinarrizko azpiegitura batzuk errekuperatzen hasi dira eta apurka-apurka elikagaiak jasotzen hasi dira bertako hiritarrak.

13:28 Larrialdi zerbitzuen lehentasuna Fukushimako 3. erreaktorea hozteko lanak dira.

12:44 Lurraldea "krisiari aurre egiteko gai" izango dela ziurtatu du Naoto Kan Japoniako lehen ministroak.

12:39 Europar Batasuneko Energia komisarioak&' || 'nbsp; datozen orduetan "hondamendi gehiago" izango direla adierazi du Fukushimako zentralak kontrolik gabe jarraitzen duelako.

12:12 Hegazkin konpainiak Tokiotik alde egin nahi duten bidaiarien irteera ahalbidetzeko hegaldiak mantentzen ari dira.

11:34 Azken balantze ofizialaren arabera gutxienez 4.255 pertsona hil dira eta 8.198 desagertuta daude.

11:15 Fukushimako zentralean 23 langile zauritu dira, bi desagertuta daude eta beste 20ek erradiazio maila altuak jasan dituzte IAEAk adierazi duenez.

10:45 AEMETen arabera, Japoniako lurrikararen ondorioz, urtearen iraupena segundo batean murriztuko da.

10:14 Alerta nuklearra laugarren mailatik bosgarrenera igo dute Fukushimako zentralean.

10:06 Japoniatik ateratzeko hegazkin txartelak 1.900 euroan saltzen dira.

10:02 G-7 gaur gauean bilduko da finantza merkatuak lasaitzeko asmoarekin

09:59 3. erreaktorean botatzen ari den urak eragina izan duela dirudi, Japoniako Gobernuaren arabera.

09:15 Japoniako beste 3 bilioi yen eman ditu finantza merkatuaren kolapsoa ekidititeko. Aurretik beste 50,8 bilioi ordaindu dituzte.

09:11 Fukushima-1 zentraleko bi, hiru eta lau erreaktoreei ke zuria darie.

09:08 Erradiakzioak behera egin du nabarmen Fukushimako 2. erraktoretik kilometro batera. 09:07 Japoniako gobernuburuak esan duenez, hirugarren erreaktorea hoztea da larrialdietarako taldeen lehentasuna.

09:06 Hondamenditik bizirik atera direnek eta erreskate taldeek minutu bateko isilunea egin dute lurrikara gertatu zenetik astebete bete denean.

07:53 Martxoaren 11n izandago lurrikarak 6.543 hildako eta 10.354 desagertu eragin ditu.

06:34 IEAEk krisi nuklearraren inguruan informazio gehiago emateko eskatu dio Japoniari.

06:24 Kamioiek Fukushimako erreaktoreetan ura botatzeari ekin diote.