Mundua
Lur-astindua
7.6 graduko lurrikara bat izan da Ekuadorren
EITB.EUS
Seismoa Ekuadorren 05:17 zirenean jazo da, Ambato hiritik 224 kilometro hego-ekialdera. Ekuadorko presidentearen hitzetan, 'lehen datuen arabera, ez da kalte larririk izan'.
-
Ekuadorko lurrikararen kokalekua. Argazkia: EMSC
Richter eskalan 7.6 graduko lurrikara izan da gaur Ekuadorko Morona Santiago eskualdean (herrialdearen ekialdean, Amazonian), Quitoko Institutu Geofisikoak jakinarazi duenez. Handik gutxira 6 graduko beste bat izan da, eta ondoren hainbat erreplika gertatu dira.
Ekuadorren 05:17 zirenean (Euskal Herrian, 10:17) jazo da astindua, Ambato hiritik 224 kilometro hego-ekialdera, Peruko mugatik gertu (sakonera, 100 kilometro ingurura).
Lenin Moreno Ekuardorko presidenteak nabarmendu duenez, "hasierako txostenen arabera, ez da kalte larririk izan".
Compatriotas queridos, los reportes preliminares de los primeros sismos cerca de Macas no indican daños mayores. Fueron sentidos en todo el país y algunos COE provinciales ya se han activado.
— Lenín Moreno (@Lenin) 22 de febrero de 2019¿
Pazifikoko Tsunami Alerten Zentroak ez du ohartarazpenik egin.
Tsunami Info Stmt: M7.7 near the Peru-Ecuador border reg 0217PST Feb 22: Tsunami NOT expected; CA,OR,WA,BC,and AK
— NWS Tsunami Alerts (@NWS_NTWC) 22 de febrero de 2019
#NTWC
Rafael Correa Ekuadorko presidente ohia izan da lurrikararen berri ematen lehenetakoa. Twitteren azaldu duenez, "zorionez, sakona izan da, eta itxuraz, jende asko bizi ez den lekuan gertatu da. Espero dut ondorio larririk ez izatea".
Es un sismo de casi 8 en la escala Richter. Es decir, es un terremoto. Felizmente es profundo y, aparentemente, en zona despoblada. Ojalá no tenga consecuencias graves.
— Rafael Correa (@MashiRafael) 22 de febrero de 2019
Un abrazo a Morona Santiago y a la Patria entera. pic.twitter.com/oO6ZeK13oq
