Libiak NATOri pasatu dio fardela

Libiako ekintza militarra, Nazio Batuen Segurtasun Kontseiluaren 1973 ebazpenak babestua, korrika eta presaka antolatu zen, agintea nork zuen argi utzi gabe.

Ez da Europar Batasunaren ekintza; ez du erakunde gisa parte hartzen, baina esku-hartzen duten herrialde gehienak Europar Batasuneko kideak dira. Ez da ezta ere NATOren ekintza, ez baita NATO izan esku-hartzea erabaki duena.

"Boluntarioen koalizioa" deritzona da. Nazio Batuen Erakundeak Libiako zibilak babestea erabaki du eta horretarako, aire-eremuaren zati bat itxi behar da eta nahi duenak ebazpen hori aurrera eramateko esku hartu dezake.

Sarkozy presidente frantsesaren bultzadarekin koalizioa antolatu zen eta Frantzia, Bretainia Handia eta Estatu Batuak dira orain jaun ta jabe. Barack Obama, Estatu Batuetako presidentea, hasieratik sentitzen da deseroso esku-hartze honekin eta horregatik NATOk agintea berehala har dezan nahi du. Erantzukizunak banatzeko modu bat da. NATOk agintzen badu, erantzukizuna ez da Libiaren gaineko erasoetan parte hartzen duten herrialdeena soilik izango, erakundeko 28 kideena baizik.

Giza Eskubideen Urraketa

NBEko Giza Eskubideen goi ordezkaritzak hamarnaka manifestarien hilketa argitzeko ikerketa "independentea eta inpartziala" eskatu du.

"Aurreko astean hildako hamarnaka manifestarien hilketa deitoratzen dugu. Antza, horietako batzuk teilatuetan zeuden frankotiratzaileek hil zituzten".