Mundua -
Transizioa
Egiptok Parlamenturako hauteskundeak ospatuko ditu irailean
Ondoren hauteskunde presidentzialak egingo dituzte. Armadaren Kontseilu Gorenak adierazi duenez ordurako larrialdi egoera bertan behera utzita egongo da.
Erredakzioa
Datorren irailean Parlamenturako hauteskundeak ospatuko direla adierazi dute Egiptoko agintari militarrek, baina ez dute data zehatzik zehaztu.Gaineratu dute, ondoren hauteskunde presidentzialak deituko dituztela.
Mamduh Shahin Armadaren Kontseilu Goreneko ordezkariak eman du albistea prentsaurrean. Otsailaren 11n Hosni Mubarakek boterea utzi zuenetik lurraldearen gidaritza hartu zuen Armadaren Kontseilu Goreneko ordezkariak, Mamduh Shahinek, eman du albistea prentsaurrean.
Horrez gain, hauteskundeak ospatzen direnerako 1981az geroztik indarrean dagoen larrialdi egoera bertan behera utzita egongo dela azaldu du. Alderdien Legearen Erreformaren inguruan egindako aldaketen berri ere eman dute prentsaurrean eta oinarri erlijiosoa duten alderdirik ezingo dela sortu azaldu dute.
Anaia Musulmanen taldea oposizioko handiena da, Hosni Mubaraken garaian legez kanpo egon ziren baina erdi onartuta zeuden. Legediaren ezaugarri zehatzak ezagutarazten direnean alderdi politikoa sortuko dutela jakinarazi dute arduradunek.
