Mundua -
Meskita batetik gertu
Gutxienez 50 hildako eta 110 zauritu Pakistanen, atentatu batean
Poliziak ustezko terrorista bat harrapatu du gainean zeraman lehergailua eztandarazi baino lehen. Zauritu asko egoera kritikoan daude.
Erredakzioa
Gutxienez 40 pertsona hil dira eta 100 baino gehiago zauritu Saji Sarwar meskitaren inguruan izandako hiru leherketen ondorioz. Gertaera Pakistaneko Punjab probintzian izan da, erreskate zerbitzuek Geo TV telebistari jakinarazi diotenez.
Atentatua Pakistango talibanek aldarrikatu dute.
Erreskate taldeak lanean dira zauritu larrienak inguruko ospitaleetara eramateko. Horietatik asko egoera kritikoan daude.
Poliziak ustezko terrorista bat harrapatu du gainean zeraman lehergailua eztandarazi aurretik. Lehergailua desaktibatu ondoren, agenteek atxilotuta eraman dute.
Poliziako iturrien arabera, hiru leherketak atentatu suizidak izan dira.