Aire-kontrolatzaile bat zigortu dute lanean lo geratzeagatik, AEBetan

Ameriketako Estatu Batuetako Abiazio Federaleko Administrazioak (FAA, ingelesez) beste aire-kontrolatzaile bat zigortu du larunbat honetan lanean zegoela lo geratzeagatik. Oraingo honetan Miamiko Aire-bideen Kontrolerako Zentroan izan da.

Aire zirkulazioaren zinten aurretiazko azterketaren arabera, aire-kontrolatzaileak ez zuen dei bat ere ez erantzunik gabe utzi eta ez zuen inolako gertakaririk eragin, FAAk komunikatu baten bidez adierazi duenez.

Gertatutakoa gainbegiraleetako bati jakinarazi zion beste aire-kontrolatzaile batek.

Gainontzeko "gertaerak"

Azken hau, astebetan izandako horrelako hirugarren gertaera izan da, eta seigarrena azken hilabetean. Lehenengoa Nevadako Reno-Tahoe aireportuan gertatu zen. Orduan gaixoak zeramatzan hegazkin batek gauez lurreratu behar izan zuen inolako argibiderik jaso gabe aire-kontrolatzailea lo zegoelako. Barruan hiru bidaiari zihoazen.

SeattlekoBoeing Field-King County International aireportuan, berriz, beste aire-kontrolatzaile batek lo hartu zuen gaueko azken lan-txandan. Ondorioz, zigorra jarri diote.

Datorren asteartean, FAAren kudeatzaileak hainbat bilera egingo ditu herrialde osoko aire-instalazioetako arduradunekin. Helburua, aire-zirkulazioaren kontrola eta segurtasuna nola hobetu ikertzea da.

Kezka iragan hilean sortu zen Washintongeko aireportu nazionalean bi hegazkin argibiderik gabe lurreratu zirenean goardiako aire-kontrolatzailea lo zegoelako.