Mundua -
Bin Laden hil dute
Bin Ladenen bizilagun batek operazioa zuzenean kontatu du Twitterren
Sohaib Athar informatika aholkulari batek, ustekabean, munduari buelta eman dion albistea zuzenean kontatu du Interneteko sare sozialean.
Erredakzioa
Sohaib Atharrek, Twitter sare sozialean @ReallyVirtual ezizena erabiltzen duen gizonezkoak, Osama Bin Ladenen aurkako operazioa zuzenean kontatu du Interneteko sare sozialean.
Auzoan helikoptero batek sortutako burrunbaz kexu hasi da twitteatzen operazioa.
"Helikoptero bat dabil Abbottabad inguruan goizeko orduatak aldera, ezohiko gertakaria", adierazi du lanbidez informatika aholkularia den gizonezkoak.
"Zoaz hemendik euliak hiltzeko tresna erraldoia atera aurretik", gaineratu du.
Ondoren inguruko eraikinetako kristalak mugiarazi dituen "bum" baten berri eman du. "Gertakari itsusi baten hasiera ez izatea espero dut", azaldu du sarean.
Zazpi ordu geroago Barack Obamak premiazko agerraldia egin du telebista kameren aurrean operazioaren berri emateko eta Athar Bin Ladenen kontrako operazioa ustekabean kontatu duela ohartu da orduan.
"Ohartu gabe Osamaren aurkako operazioa zuzenean blogeatu dut", azaldu du Twitterren Atharrek.