Mundua -
Frantziako Estatua
Gizon batek pertsona bat hil eta beste 9 zauritu ditu labanarekin Lyonetik gertu
Erasotzailea atxilotu dute; eta erasoaren inguruko hipotesi guztiak daude zabalik, terrorismoaren aukera tartean.
agentziak | erredakzioa
Gizon batek gutxienez pertsona bat hil eta beste 9 zauritu ditu labanarekin Villeurbanneko metro geltokian, Lyonetik gertu, egindako eraso batean, Rhoneko prefekturak jakitera eman duenez.
Erasotzailea atxilotu egin dute, hedabide frantziarren arabera; eta hipotesi guztiak omen daude zabalik, terrorismoaren aukera tartean.
Larrialdi zerbitzuetako 50 bat langile bertaratu dira zaurituak artatzera; gainera, horietako bat egoera kritikoan dago, eta beste bi, larri.