Neskato bat lehergaiz kargatutako txaleko batekin atxilotu dute

Zortzi urteko neskatila bat atxilotu du Pakistaneko Poliziak gaur. Neskatoak lehergaiz kargatutako txaleko bat zeraman eta Direko kontrol batean atxilotu dute, Afganistango mugatik gertu, Poliziako iturriek jakinarazi dutenez.

Pakistango komunikabideen arabera, egun batzuk lehenago Peshawar (ipar-mendebaldea) hirian bahitu dutela azaldu du neskatilak Poliziak galdekatu duenean.

Balambat herrira eraman baino lehen bahitzaileek lasaigarriak xiringatu zizkiotela esan du adingabeak. Udalerri horretan atxilotu du Poliziak.

Bertsio horren arabera, bahitzaleek Poliziaren kontroletik hurbil askatu dute neskatoa, baina segurtasun indarrek adingabea susmagarritzat jo dutela antzeman dutenean ihes egitea lortu dute.

Prentsaurrekoan, bi emakumek eta gizonezko batek bahitu zutela azaldu du neskatilak. Antza denez, eraso suizida bat egiteko erabili behar zutela azaldu zioten.

Ez da aurreneko aldia

Ez da adingabeak eraso suizidetan erabiltzen dituzten aurreneko aldia Pakistanen.

Mardanen, iragan otsailean, egindako atentatua horren adibiderik argiena da. Erreklutamendu zentro batean 31 kadete hil ziren.