Mundua -
Amsterdam
Herbehereetako Poliziak terrorismoa baztertu du Hagako erasoaren motibazio gisa
Herbehereetako Poliziak jakinarazi duenez, Hagan (Herbehereak) hiru nerabe sastakatu zituen pertsonaren motibazioan ez dago terrorismoa adierazten duen zantzurik.
Agentziak | Erredakzioa
Herbehereetako Poliziaren arabera, ez dago arrazoirik azaroaren 29an Hagan (Herbehereak) hiru nerabe sastakatu zituen pertsonaren motibazioa terrorismotzat jotzeko. Gizona larunbatean, azaroaren 30ean, atxilotu zuten, etxerik gabeko pertsonentzako harrera zentro batean.
"Atariko datuek ez dute erakusten arrazoi terroristarik egon denik", azaldu du Herbehereetako Poliziak ohar baten bidez. "Arrazoia ikertzen jarraituko dugu", gaineratu du.
Agintariek laguntza eskatu die herritarrei, 'Black Friday' aren promozioak direla-eta ostiral arratsaldean merkataritza gune horretara joan ziren lekukoei bereziki.
