Mundua -

Bolivia

Boliviako Fiskaltzak Evo Morales atxilotzeko agindua eman du

Hain zuzen ere, Moralesek gaur bertan jaso du Argentinan "errefuxiatu" izaera aitortzen dion baieztapena.

Evo Morales Boliviako presidente ohia. Argazkia: Efe
Evo Morales Boliviako presidente ohia. Argazkia: Efe
Evo Morales Boliviako presidente ohia. Argazkia: Efe

agentziak | erredakzioa

Whatsapp Facebook Twitter Telegram Email

Boliviako Fiskaltzak Evo Morales presidente ohia atxilotzeko agindua eman du gaur bertan, Jeanine Añezen bitarteko Gobernuak sedizio eta terrorismo delituak leporatzen baitizkio.

Hain zuzen ere, Moralesek gaur bertan jaso du Argentinan "errefuxiatu" izaera aitortzen dion baieztapena, Migrazioaren Zuzendaritza Nazionalak jakinarazi duenez.

Arturo Murillo bitarteko Gobernu (Barne) ministroak Twitterren argitaratu du Moralesen aurkako atxilotze aginduaren argazkia. Bertan, presidente ohia atxikitzeko eta Ustelkeriaren aurkako Fiskaltza Bereziaren aurrean uzteko agindua agertzen da.

Boliviako bitarteko Gobernuak azaroan aurkeztu zuen bere aurkako salaketa fiskaltzaren aurrean terrorismo delituagatik, besteak beste, Mexikotik Añezen Gobernuaren aurkako indarkeria sustatzea egotzita.

Evo Morales Argentinan dago aurreko astetik, Mexikotik bertara joan ostean. Azaroaren 10ean eman zuen dimisioa bere aurkako Estatu kolpea salatuz, eta hurrengo egunean Mexikon hartu zuen babesa.

Hau zure interesekoa bada, baliteke beste gai hauek ere izatea
Nazioartea Eguneko albisteak Albisteak Argentina Bolivia