Mundua -

Hegazkin istripua

Iranen istripua izan zuen Boeing 737 hegazkinak su hartu zuen lurrera erori aurretik

Ukrainako aditu talde batek istripua ikertzeko lanetan hartuko du parte eta biktimak identifikatzen lagunduko du.

Lekukoek sutan ikusi zuten bOEING 737 hegazkina lurrera erori aurretik. Argazkia: EFE
Lekukoek sutan ikusi zuten bOEING 737 hegazkina lurrera erori aurretik.
Lekukoek sutan ikusi zuten bOEING 737 hegazkina lurrera erori aurretik. Argazkia: EFE

Agentziak | Erredakzioa

Whatsapp Facebook Twitter Telegram Email

Teheranetik gertu istripua izan zuen Boeing 737 hegazkinak su hartu zuen lurrera erori aurretik, Irango Abiazio Zibileko Erakundeak egindako txostenaren arabera. UIA konpainia ukrainarraren hegazkinean zihoazen bidaiari guztiak hil ziren.

Istripuaren lekukoek, alegia, une horretan lurrean zeuden pertsonak eta beste hegaldi batzuetako tripulazioa, sutan ikusi zuten hegazkina, eta, leherketa, lurraren kontra talka egitearen ondorioz izan zen.

Irango Abiazio Zibileko Erakundeak adierazi duenez, hasiera batean mendebalderantz zihoan hegazkina: "Arazo teknikoa jazo ondoren eskuinera egin zuen hegazkinak, eta, erorketaren unean, Irango Khomeini Imama Nazioarteko Aireportura itzultzeko bidean zegoen".

Kutxa beltzei dagokienez, hegazkinaren "istripuaren" eta sutearen ondorioz oso "kaltetuta" daudela adierazi du Irango Abiazio Zibilaren Erakundeak. Zehazki, Teheran-Kiev linea estaltzen zuen Boeing 737 hegazkinak.

Ezbeharra gertatu bezain laster, hegazkinak istripua izan zuela zalantzan jartzen zuten espekulazioak zabaldu ziren. Izan ere, Iraken langile estatubatuarrak dauden base militar baten aurka Iranek misilekin egindako eraso bat izan zitekeela esan zuten hedabide batzuk.

Kieveko Gobernuak, ordea, tentuz jokatu zuen atzo hegazkin-istripuaren arrazoiak emateko orduan, eta Vladimir Zelenski presidenteak "ez espekulatzeko" eta hipotesiak kontrastatzeko eskatu zien "herritar guztiei", hondamendiari buruzko "informazio ofizialak argitaratu arte".

Bestalde, Abolfazl Shekarchi Irango Armadako bozeramaileak ukatu egin zuen misil batek hegazkina bota izana, eta informazio horiek "barregarri" eta "gezur absolutu" gisa deskribatu zituen.

Ukrainako aditu talde batek istripua ikertzeko lanetan hartuko du parte eta biktimak identifikatzen lagunduko du.

Ukrainiako aire-konpainiaren arabera, 82 irandar, 63 kanadar, 11 ukrainiar (bi bidaiari eta bederatzi tripulatzaile), 10 suediar, lau afganar, hiru alemaniar eta hiru britainiar zihoazen hegazkinean.

Hau zure interesekoa bada, baliteke beste gai hauek ere izatea
Nazioartea Ukraina Hegazkin istripuak Eguneko albisteak Albisteak Turkia Iran