Hungaria eta Polonia kondenatu dituzte, migratzaileen etorrera ukatzeagatik

Europako Justizia Auzitegiak arrazoia eman dio Bruselari Hungaria, Polonia eta Txekiar Errepublikaren aurkako norgehiagokoan. Italiara eta Greziara iritsi ziren milaka errefuxiatuak Europar Batasuneko gainerako herrialdeetara lekualdatzeko 2015ean sortutako programa ez betetzeagatik.

Epaian Luxenburgon egoitza duen Auzitegiaren arabera, Hungariak, Poloniak eta Txekiar Errepublikak ez zituzten Europar Batasuneko Zuzenbidetik eratorritako zereginak bete, eta "ordena publikoa zein segurtasun nazionala" bezalako adierazpenak ukatu ditu.

2015ean, Italiara eta Greziara iritsi ziren migratzaileak bi herrialdeetako mugak kontrolatzeko eta errefuxiatuak hartzeko sistemak kolapsatu zituzten, eta, ondorioz, EBko kideek larrialdi-plan bat diseinatu behar izan zuten, 160.000 migratzaile birkokatzeko.

Hungariak eta Poloniak, ordea, migratzaileen etorrera ukatu zuten; Txekiar Errepublikak, berriz, Greziara iritsitako 12 lagunei harrera egin zien hasieran, eta ondoren laguntzeari uko egin zion, "segurtasunerako arrisku bat" argudiatuta.

Europako Auzitegiak epaian argitu duenez, ordena publikoa eta segurtasuna mantentzea bezalako argudioak ukatu ditu, lekualdatuko den pertsona "arriskua bat eragin" dezakeela adierazteko, agintari nazionalek "kasuz kasu" aztertu behar dituzte lekualdaketa bakoitza, eta ondorioak elementu "koherente, objektibo eta zehatzetan" oinarritu behar dituzte.

Hori dela eta, Europako Auzitegiak EBko herrialde batek arau komunak ezin dituela hautsi gaineratu du, "prebentzio orokorra" direla justifikatuz eta kasu bakoitzarekin zuzeneko harremana duela frogatu gabe.

Era berean, ez du onartzen estatu kide batek, kasu honetan, Txekiar Errepublikak, eraginkortasun eza argudiatzea arau haustea justifikatzeko.