Mundua -
Hiriburuan
Ia 20 hildako NBEko egoitzan izandako leherketan, Nigerian
Kotxe bat lehergaiekin egoitzan sartu da eta eztanda egin du.
Erredakzioa
Gurutze Gorriak emandako azken datuen arabera, ia 20 pertsona hil dira Nazio Batuen erakundeak Abujan, Nigeriako hiriburuan, duen egoitzan izandako leherketan.
African Independent Television (AIT) eta Channels TV telebista kateek adierazi dutenez, buru-hiltzaile bat lehergaiekin kotxez egoitzan sartu da eta bertan ibilgailuak eztanda egin du. Hala ere, oraindik ez dago baieztapen ofizialik.
Abujako National Ospitaleak odola emateko eskatu die herritarrei.
Abba Moro Nigeriako ministroak eta Charles Nosa NBEko ordezkariak esan dutenez, oraindik goiz da biktimen kopuru bat emateko.