Mundua -
Epstein Kasua
FBIk Ghislaine Maxwell atxilotu du, Jeffrey Epstein hildako magnatearen bazkidea
Epsteini sexu-abusuarekin zerikusia duten delituak egotzi zizkioten eta NBC kateak aurreratu eta autoritateek baieztatu duenez, Maxwell delitu hauen konplize izateagatik atxilotu dute.
AGENTZIAK | ERREDAKZIOA
FBIk Ghislaine Maxwell atxilotu du, Jeffrey Epstein hildako magnatearen bazkide zena. Epsteini sexu-abusuarekin zerikusia duten delituak egotzi zizkioten eta NBC kateak aurreratu eta autoritateek baieztatu duenez, Maxwell delitu hauen konplize izateagatik atxilotu dute.
Hedabide horretako News 4 New York saioan adierazi dutenez, FBIk New Hampshiren atxilotu du Maxwell, adin txikikoak bortxatzeko konspirazio karguak egotzita.
New Yorkeko Hegoaldeko Barrutiko fiskaltzak adierazi duenez, guztira sei delitu egotzi dizkiote Maxwelli: sexu-abusuekin zerikusia duten lau delitu (1994 eta 1997 artean) eta autoritateei 2016an lekukotza faltsuak emateagatik bi delitu. Ghislaine Maxwellek, gerora Epsteinek gauzatutako sexu-abusuetarako biktimak lortzen zituela uste da.
Inputazio dokumentuaren arabera, Maxwellek Epstein lagundu zuen, batez ere, honi biktimak erakarriz eta prestatuz gero sexu-abusuak gauzatzeko. Hori guztia biktimek 18 urte baino gutxiago zituztela eta kasu batzuetan 14 urte baino ez zituztela jakinda.
Atxilotuak, Jeffrey Epsteini bere jabetzak kudeatzen laguntzen zion eta gizarte maila altuko zirkuluetan bidea ireki zion famatuak eta goi-karguak ezagutzeko aukera emanez.