Mundua -
Ikuskizun batean
9 hildako eta 50 zauritu inguru AEBetan, hegazkin bat erorita
Istripua Renon, AEBetan, gertatu da. Milaka lagun aireko lasterketa bat ikusten ari ziren hegazkin bat harmailetara erori denean.
Erredakzioa
Hiru pertsona hil dira eta beste 54 zauritu dira, horietako batzuk larri, hegazkin batek ehunka ikusle zeuden harmailen aurka talka egin duenean. Renoko aireko lasterketa bat ikusten ari ziren une horretan.
Dave Evans Renoko Poliziaren buruzagiordeak esandakoaren arabera, istripuaren momentuan "zazpi pertsona hil ziren"; haien artean, hegazkinaren pilotua.
Bertako ospitalera iritsi eta berehala hildako beste bi pertsonak zenbatuta, bederatzi pertsona hil dira guztira.
Urtero egiten dute lasterketa hau Renon eta istripuaren unean 7.500 lagun inguru zeuden ikuskizuna ikusten.