Mundua -
ITALIAKO ALPEAK
Italiako Alpeetako eremu bat hustu dute glaziar batek erortzeko arriskua duelako
Haranean, Italia eta Frantziaren arteko mugan, hogeita hamar etxe inguru daude, eta bertako hedabideen arabera, hogei bat biztanle eta turista batzuk bizi dira han.
AGENTZIAK | ERREDAKZIOA
Italiako Alpeetan, Mendi Zurian dagoen haran bat hustu eta bertatik mendira igotzea debekatu dute gaur. Badirudi tenperaturen igoeraren ondorioz Planpincieux glaziarraren zati bat erortzeko arriskuan dagoela.
Stefano Miserocchi Italiako Courmayeur udalerriko alkateak Val Ferret haranean neurri horiek ezartzeko ordenantza izenpetu du gaur gauean, "Planpincieux glaziarraren arrisku potentzialaren bilakaeraren argitan".
Zehazki, arrisku handieneko tokiak ebakuatzeko agindua eman du, bertan 11:00ak izan baino lehen.
Halaber, ordu horretatik aurrera, ordenantza amaitzen den arte, eremu horretan sartzeko eta igarotzeko debekua ezarri da.
Cormayeurko Udalak, premiazko bilera batean, 500.000 metro kubikoko bolumena duen glaziarraren "eboluzio morfologikoari" buruzko alerta jaso zuen atzo, inguru horretan bero handia eta "tenperaturen ezohiko joeragatik".
"Arrisku" horrek gutxienez hiru eguneko iraupena izango du, teknikarien kalkuluen arabera.
Ez da lehen aldia zonaldeak horrelako egoera bat bizi duena. Iazko irailaren 25ean Planpincieux ontzia lekuz aldatzen hasi zirenean antzeko neurriak hartu behar izan ziren.