Mundua -
Frantziako Justizia
Fiskaltzak Strauss-Khanen kontrako salaketa artxibatu du
Banonek Strauss-Khanen uztailean jarri zuen salaketa, 2003an izan ziren gertakizun batzuengatik, eta hori "ezin da epaitu", delitu mota horiek hiru urtera preskribatzen direlako.
Erredakzioa
Tristane Banon idazle frantsesak Dominique Strauss-Khan Nazioarteko Diru Funtseko zuzendari kudeatzaile ohiaren kontra aurkeztutako salaketagatik hasitako ikerketa artxibatzea erabaki du Pariseko Fiskaltzak.
"Nahikoa froga ez dagoela eta, ezin dira bortxaketa saiakeraren eginbidideak hasi", adierazi du Fiskaltzak.
Banonek Strauss-Khanen uztailean jarri zuen salaketa, 2003an izan ziren gertakizun batzuengatik, eta hori "ezin da epaitu", delitu mota horiek hiru urtera preskribatzen direlako.
Strauss-Khan New Yorken atxilotu zuten maiatzean, bortxaketa saiaketa bat leporatuta, eta Banonekin aurrez aurre egon zen Frantziara itzuli zenean irailean. Orduan, Nazioarteko Diru Funtseko zuzendari kudeatzaile ohiak 2003an neska muxukatzen saiatu zela adierazi zuen, baina ez zela hori bortxatzen saiatu, kazetariak esan bezala.
