Gutxienez 41 pertsona hil dira Mediterraneoan, ontzia hondoratuta

Ontzia ostegunean irten zen Libiatik. Gutxienez 77 pertsona bizirik erreskatatu dituzte eta Sizilian porturatu zain daude.

Italiako kostazainek erreskatatutako migratzaileak (artxiboko argazkia) — Italiako kostazainek erreskatatutako migratzaileak. Artxiboko argazkia: EFE

EITB MEDIA | AGENTZIAK

publikatuta: 2021/02/25 07:33 (UTC+1)

azken eguneratzea: 2022/11/09 12:01 (UTC+1)

Gutxienez 41 pertsona hil dira Mediterraneo itsasoan, ontzia hondoratuta, Nazioarteko Migrazio Erakundeak salatu duenez. Tartean, hiru mutiko eta lau emakume.

Iheslarientzako Nazio Batuen Erakundearen Agentziak (UNHCR, ingelesez) lekukoen testigantzak aipatuz adierazi duenez, ontzia ostegunean irten zen Libiatik, 120 pertsona barruan zituela. Larunbatean hasi ziren arazoak, barruan ura sartzen hasi zenean.

"Vos Triton" ontziak 120 pertsona horietatik gutxienez 77 onik erreskatatu ditu eta Siziliako Porto Empedocle udalerrian lehorreratu zain daude.

Nazioarteko Migrazio Erakundeak eta Iheslarientzako NBEren Agentziak eskaera egin dute "Mediterraneoan errefuxiatuen eta migratzaileen bizitzak salbatzea Europar Batasunarentzat eta nazioartearentzat lehentasuna izan dadin".

Urtea hasi zenetik, gutxienez 160 pertsona hil dira Mediterraneoan.

Hau zure interesekoa bada, baliteke beste gai hauek ere izatea

Zer gertatu da munduan gaur? Migrazioaren albisteak Prentsa digitalaren azken orduko Gaurko azken ordukoa Siriar errefuxiatuak Europan Naufragioak Errefuxiatuak albisteak gaur Mediterraneo itsasoa

Gutxienez 41 pertsona hil dira Mediterraneoan, ontzia hondoratuta

Esteka kopiatuta