Publizitatea
Itxi

2021/03/09

21:56

Mundua

Koronabirusa

Italia izango da Sputnik V txerto errusiarra ekoiztuko duen EBko lehen herrialdea

agentziak | eitb media

Ekoizpena uztailean hastea eta urte amaieran 10 milioi dosi eskuratu ahal izatea espero dute.

  • Sputnik V txertoa. Argazkia: Efe

    Sputnik V txertoa. Argazkia: Efe

  • Whatsapp
  • Whatsapp
  • Telegram
  • Bidali

Italiar-Errusiar Merkataritza Ganberak (CCIR) iragarri du akordioa egin dutela Errusiako Inbertsio Zuzeneko Funtsak (RDIF) eta Adienne Srl enpresak Sputnik V txerto errusiarra Italian ekoizteko. Hori horrela, Italia izango da txerto hori ekoiztuko duen lehenengo herrialdea Europar Batasunean.

Itun horri esker, ekoizpena uztailean hastea eta urte amaieran 10 milioi dosi eskuratu ahal izatea espero dute. Adienne Srl Monza eta Brianza Italia iparraldeko probintzian dago, eta Adienne Pharma & Biotech enpresa suitzarraren parte da.

Bien bitartean, txertoaren sortzaileen eta agintari europarren arteko harremana are gehiago gaiztotu da azken egunotan. Izan ere, astelehen honetan bertan Christa Wirthumer-Hoche Europako Sendagaien Agentziako (EMA) presidenteak barkamena eskatzea exijitu dute, EBko estatu kideei eskatu zielako ez zezatela txerto errusiarra onartu EMAk egin arte.

Hungariak dagoeneko onartu du Sputnik V txertoa, eta herritarrak txertatzen ari da. Txekiar Errepublikak eta Eslovakiak ere eskatu dituzte dosiak, eta jakinarazi dute ez diotela EMAri itxarongo.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;