Publizitatea
Itxi

2021/05/02

18:31

Mundua

Koronabirusa

Ikasturte hasieran 12 urtetik gorakoak txertatzea aztertzen ari da Erresuma Batua

EITB Media | Agentziak

Ikasleek Pfizerren txertoa hartuko lukete, gazteen immunizazio “arina" eta "eraginkorra” lortzeko.

  • Pfizerren txertoa

    Pfizerren txertoa. Argazkia: EFE

  • Whatsapp
  • Whatsapp
  • Telegram
  • Bidali

Erresuma Batuko Gobernua 12 urtetik gorako neska-mutilei Pfizerren txertoaren lehen dosia ematea aztertzen ari da. “The Sunday Times” egunkariak jakitera eman duenez, irailean egingo lukete txertaketa, ikasturtea hasi eta berehala.

“Umeak, eta bereziki nerabeak, arin eta modu eraginkorrean immunizatzeko prest egon behar dugu”, azaldu du Adam Finn Txertatze eta Immunizatze Batzordeko kideak. “Oso garrantzitsua da datorren ikasturtea etenik gabe aurrera ateratzea”, esan du pediatrak.

Linda Bauldek, Edinburgoko Unibertsitateko Osasun Publikoko irakasleak, berretsi du Erresuma Batuaren covid-19aren aurkako osasun plana “noranzko horretan” mugitzen ari dela. Bauldek “Times Radio”n azaldu duenez, “haurrak txertatzeko arrazoia talde immunitatea hobetzea da”.

Iragan astean, Matt Hancock Osasun ministroak aurreratu zuen Gobernuak Pfizerren 60 milioi txerto gehiago erosi dituela, udazkenean “errefortzu dosi gisa” emateko. Gainera, gizarteko hainbat sektoreri hirugarren txertoa ematea aztertzen ari da Exekutiboa, lehen bi dosiekin lortutako immunitatea mantentze aldera.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena