Mundua -

AMERIKETAKO ESTATU BATUAK

Dagoeneko 11 dira Miamin eroritako eraikinean hildakoak

Hamar hilotzetatik zortzi identifikatu dituzte. Gainera, desagertuta dauden 150 pertsonaren bila jarraitzen dute.

Ekainaren 24an Miamin eroritako eraikina. Argazkia: EFE
Ekainaren 24an Miamin eroritako eraikina
Ekainaren 24an Miamin eroritako eraikina. Argazkia: EFE

AGENTZIAK | EITB MEDIA

Whatsapp Facebook Twitter Telegram Email

Ostegunean Miamin 12 solairuko eraikin bat partzialki hondoratu zenetik hondakinen artean harrapatuta bizirik egon daitezkeen pertsonak bilatzeko lanetan ari dira erreskate taldeak. Azken orduetan bertako agintariek egindako balantzearen arabera, gutxienez 11 pertsona hil dira eta horietatik zortzi identifikatu dituzte. Bitartean, desagertuta dauden 150 pertsonaren bila jarraitzen dute. Bestalde, 135 pertsona onik atera dira.

Miamiko bilaketa lanetan jende andana parte hartzen ari da, ehunka laguneko txandatan, erori ziren 55 etxebizitzen hondakinen artean.

Gorpuak ez ezik, gorpuzkiak ere aurkitu dituzte erreskate taldeek, eta horiek identifikatzeko lanetan ere ari dira.

Oraindik argitzeke dauden arrazoiak tarteko, Champlain Towers eraikinaren zati bat erori egin zen ostegun goizaldean, 01:30 aldera, bertako bizilagun gehienak lo zeudela.

Azken orduetan, inguruko beste eraikin bat jendez hustu behar izan dute, eroriko ote den beldur.

Hau zure interesekoa bada, baliteke beste gai hauek ere izatea
Nazioarteko berriak Ameriketako Estatu Batuak argazkiak Albisteak Gaur Eguneko albisteak Joe Biden