Mundua -
Osasun arazoengatik
Yemeneko presidentea AEBetara bidaian atera da
Bidaiaren helburua, Sale beraren hitzetan, ekainaren 3an izandako atentatuak eragindako zauriak artatzea da.
Erredakzioa
Ali Abdalah Sale yemeneko presidentea Yemenetik atera da igande honetan AEBetara joan eta osasun-tratamenduarekin jarraitzeko. Aurretik hitzaldia eman du eta herriari barkamena eskatu dio bere agintaldian egindako "edozein hutsengatik".
Abdel Hafiz al Nahari Herri Kongresu Nagusiko Alderdiko (PCPG), Saleren alderdiko, prentsa zuzendariordeak Eferi azaldutakoaren arabera, presidentea Omanera joan da lehenengo eta bertan zenbait egun igaroko ditu AEBetara joan aurretik.
Sanara itzuliko da
Ondoren, Sana hiriburura bueltatzeko asmoa du PCPG alderdiko presidente gisa, eta Abdo Rabu Mansur Hadi presidenteorde eta ondorengoaren goratzea ikusteko, otsailaren 21eko hauteskundeen ondoren.
Larunbatea, Yemeneko Parlamentuak Mansur Hadi hauteskundeetarako hautagai bakarra izatea erabaki zuen.
