Publizitatea
Itxi

2021/07/09

18:27

Mundua

Murrizketak

Alemaniak Espainia "arriskuko" eremutzat jo du, covid-19aren gorakadagatik

EITB MEDIA

Erabakiak ez du eragin zuzenik une honetan oporretan dauden edo datozen egunetan bidaiatzeko asmoa duten alemaniarrentzat, baina bai herritarren eta Espainiako turismoaren sektorearentzat.

  • Turistak Mallorcan. Argazkia: EFE.

    Turistak Mallorcan. Argazkia: EFE.

  • Whatsapp
  • Whatsapp
  • Bidali

Alemaniako Gobernuak covid-19agatik arriskuan dauden eskualdeen zerrendan sartu du Espainia ostiral honetan. Azken bi asteetan izandako gorakadaren ondorioz, Alemaniak alerta zerrendan sartu du Espainia. Neurria igande gauerdian sartuko da indarrean.

Erabakiak ez du eragin zuzenik une honetan Espainian oporretan dauden edo datozen egunetan bidaiatzeko asmoa duten alemaniarrentzat, baina bai herritarren eta Espainiako turismoaren sektorearentzat.

Espainiatik Alemaniara itzultzen direnek, ordea, test negatibo bat edo erabateko immunizazioaren froga bat aurkeztu beharko dute.

Arriskua da zazpi egunetan pilatutako intzidentziak gora egiten jarraitzea Espainian. 200 kasuren muga gainditzea da Berlinek kontuan hartzen duen irizpide epidemiologiko nagusia "intzidentzia handiagatik arriskua duen" eskualde bat izendatzeko, eta horrek mugigarritasunari murrizketa handiak eragiten dizkio. Gaur egun, 14 egunera metatutako intzidentziak gora egin du: 277,90 kasu 100.000 biztanleko.

Kategoria horrek muga ixtea dakar Alemaniako herritarrak ez diren edo bizileku-baimena duten eskualde horietatik datozen pertsona guztientzat. Gainera, txertaketa-jarraibide osoa jaso duten pertsona guztiak 14 eguneko berrogeialdia gordetzera behartuko lituzke.

Europako Batzordea kritiko agertu da Alemaniako neurri horiekin. 27 herrialdeen akordioa udan mugikortasuna erraztea zen, baina Berlinek ez du bere hitza mantendu. Duela gutxi eta denboraldi labur batez, Portugaletik zetozen bidaiariei ezarri zizkien muga horiek.

Alemaniako Gobernuak aitortu zuen pandemiak Espainian, oro har, eta Balear Uharteetan, bereziki, izandako bilakaera gertutik jarraitzen zebilela, baina ez zuela helmuga horietara ez bidaiatzeko gomendiorik emango aurreratu zuen, Frantziak ez bezala.

Alemaniak 949 kasu berri eta 49 heriotza izan ditu azken 24 orduetan. Bestalde, Alemanian zazpi eguneko intzidentzia metatua 5,5 kasukoa da 100.000 biztanleko, hiru egunez jarraian igoera arinak izan baditu ere.

  • Bisitatuena

      Kargatzen ikusiena
      Kargatzen ikusiena
    ;