Mundua -

Facebookeko argitalpenak

Facebookek segurtasun neurri berriak iragarri ditu Afganistango erabiltzaileak babesteko

Hemendik aurrera, sare soziala erabiltzen dutenei beren argitalpenak ezagutzen dituzten pertsonek soilik irakurtzeko aukera emango die konpainiak.

Facebookeko logoa. Argazkia: Pexels.com.
Facebookeko logoa
Facebookeko logoa. Argazkia: Pexels.com.

agentziak | EITB MEDIA

Whatsapp Facebook Twitter Telegram Email

Facebook sare sozialak segurtasun neurri berriak jarri ditu martxan, Afganistanen dituen erabiltzaileak babesteko eta argitalpenengatik errepresaliarik jaso ez dezaten.

Kazetarien, erabiltzaileen, ekintzaileen eta gizarte zibileko kideen gomendio eta aholkuei jarraituz, sare soziala erabiltzen dutenei aukera emango die aurrerantzean beren argitalpenak ezagutzen dituzten pertsonek soilik irakurtzeko.

"Lankidetza estuan ari gara industrian, gizarte zibilean eta Gobernuarekin, ahal dugun laguntza guztia emateko pertsonak babesten laguntzeko", esan du Nathaniel Gleicher Facebookeko Segurtasun Politikako buruak sare sozialetan.

Gainera, Gliecherrek gaineratu du konpainiak aldi baterako ezabatu duela erabiltzaile baten lagunen zerrenda ikusteko eta Afganistanen erregistratutako kontu bateko lagunen zerrendan bilatzeko aukera.

"Afganistanen Facebookeko 'Lagunak' zerrenda ikusteko eta bilatzeko aukera kendu dugu aldi baterako, pertsonak erasoetatik babesteko", esan du.

Gainera, sare sozialak operazio berezien zentro bat sortu du "mehatxu berriei" erantzuteko.

Hau zure interesekoa bada, baliteke beste gai hauek ere izatea
Facebook Nazioartea Eguneko albisteak Albisteak Afganistan