Xake partida maltzurra Ekialde Hurbilean

Ekialde Hurbilean hasi da xake politikoaren partida arriskutsua. Partida horretan aurrez aurre daude; batetik, Iran, Siria, Libanoko Hizbola eta Hamas palestinarra eta; bestetik, Israel eta AEB. Israelek Georgian eta Indian dituen enbaxaden kontrako atentatua egin zuten atzo, baina ez zen hildakorik izan.

New Delhiko atentatuari dagokionez, norbaitek bonba bat jarri zuen enbaxadako funtzionario baten kotxeko sabaian. Sistema bera erabili zuten duela hilabete Teheranen, zientzialari nuklear irandar bat hiltzeko. Bi urtetan hildako laugarren zientzialari nuklear irandarra izan da. Hilketa horietan, Iranek Mossadi, Israelgo zerbitzu sekretuari, botatzen dio errua, Irango programa nuklearra geldiarazteko helburuarekin bere zientzialariak hiltzen ari dela leporatu dio. Teheranek mendekua izango dela agindu du.

Egoera zurrunbilotsu horrekin nahasi da orain Sirian gertatzen ari dena. Hizbolak, Hamasek eta Irango Gobernuak gogor defendatzen dute Bashar El Assad Siriako presidentea, izan ere, bera erortzea hondamendi estrategikoa litzateke eurentzat.

AEBei dagokienez, berriz, ofizialki ez ditu ontzat ematen Israelek Irango instalazio atomikoei eraso egiteko dituen asmoak. Baina, eraso hori egingo balitz, Washington gatazka horretan sartzera behartuta egongo litzateke.

Ekialde Hurbilean hasi da xake politikoaren partida arriskutsua. Partida horretan aurrez aurre daude; batetik, Iran, Siria, Libanoko Hizbola eta Hamas palestinarra eta; bestetik, Israel eta AEB. Israelek Georgian eta Indian dituen enbaxaden kontrako atentatua egin zuten atzo, baina ez zen hildakorik izan.New Delhiko atentatuari dagokionez, norbaitek bonba bat jarri zuen enbaxadako funtzionario baten kotxeko sabaian. Sistema bera erabili zuten duela hilabete Teheranen, zientzialari nuklear irandar bat hiltzeko. Bi urtetan hildako laugarren zientzialari nuklear irandarra izan da. Hilketa horietan, Iranek Mossadi, Israelgo zerbitzu sekretuari, botatzen dio errua, Irango programa nuklearra geldiarazteko helburuarekin bere zientzialariak hiltzen ari dela leporatu dio. Teheranek mendekua izango dela agindu du. Egoera zurrunbilotsu horrekin nahasi da orain Sirian gertatzen ari dena. Hizbolak, Hamasek eta Irango Gobernuak gogor defendatzen dute Bashar El Assad Siriako presidentea, izan ere, bera erortzea hondamendi estrategikoa litzateke eurentzat.AEBei dagokienez, berriz, ofizialki ez ditu ontzat ematen Israelek Irango instalazio atomikoei eraso egiteko dituen asmoak. Baina, eraso hori egingo balitz, Washington gatazka horretan sartzera behartuta egongo litzateke.