Mundua -
Sabelean mina zuen
Nelson Mandela etxean da eguna ospitalean igaro ostean
"Medikuek etxera bidaltzea erabaki dute egindako probetan arazo larririk agertzen ez dela ikustean", esan du Hegoafrikako Gobernuak komunikatu batean.
Erredakzioa
Nelson Mandela Hegoafrikako 93 urteko presidente ohiak ospitaletik atera da larunbatean, sabeleko minak jota, laparoskopia egin ondoren, Hegoafrikako presidentetzak aditzera emandakoaren arabera.
"Medikuek etxera bidaltzea erabaki dute egindako probetan arazo larririk agertzen ez dela ikustean", esan du Hegoafrikako Gobernuak komunikatu batean.
"Zuma presidenteak eskerrak eman nahi dizkie herritarrei Nelson Mandelari agertutako babesagatik", gaineratu dute presidentetzatik.
Laparoskopia
Ordu batzuk lehenago, Lindiwe Sisulu Defentsa ministroak esan du 1993ko Nobel sariduna laparoskopia bat egiteko ingresatu zutela. Laparoskopia teknika arina da pazientearen sabela ikuskatzeko.
"Ez dute ezer larririk aurkitu. Ospitalera eraman zuten mina etengabe zuelako", esan du Sisuluk hedabideei egindako adierazpenetan.
