Mundua -
Aurrekontuen aurkezpena
Gobernu britainiarrak aberatsei errentaren gaineko zerga jaitsiko die
Bestetik, diru-sarrera gutxien dituzten lagunei mesede egiteko asmoz, zergak ordaintzeko muga igo egingo dute.
Erredakzioa
Gobernu britainiarrak iragarri du 2013ko apiriletik aurrera, aberatsenei errentaren gaineko zerga jaitsiko zaiela, zehazki, % 50etik, % 45era.
George Osborne Ekonomia ministroak iragarri ditu zerga-politikako aldaketak, izan ere, Parlamentuan aurkeztu dituzte 2012-2013ko aurrekontuekin batera. Lehentasuna "egonkortasuna eta lehiakortasuna" direla esan dute.
Honen harira, datorren apiriletik aurrera, sozietateen gaineko zergak % 24ra arteko jaitsiera izatea ere proposatu dute. Helburua, 2014 urtean, % 22an uztea da.