Mundua -
Protestak Kazakhstanen
Errusiako tropak Kazakhstandik erretiratzen hasi dira, matxinada amaitu ostean
Andrei Serdiukov Errusiako jeneralak, "bakegintza" taldearen komandanteak, soldatuek egindako lana eskertu du. Tropak, hilaren 6an iritsi ziren herrialdera, Tokaiev Kazakhstango presidenteak "mehatxu terroristari" aurre egiteko laguntza eskatu eta biharamunean.
AGENTZIAK | EITB MEDIA
OTSC antzinako errepublika sobietarretako sei herrialde batzen dituen aliantza militarra Kazakhstanera bidalitako 2.030 soldaduak erretiratzen hasi da ostegun honetan, Tokaiev presidenteak iragarri bezala. Joan den astean Asia erdialdeko errepublika astindu zuten protesta bortitzei aurre egiteko ekarri zituzten.
Lurreko Armadaren Institutu Militarrean agur ekitaldia egin ostean, Errusia, Armenia, Bielorrusia, Kirgizistan eta Tayikistango soldaduek hainbat bururen agurra jaso dute, tartean, Stanislav Zas OTSCko idazkari nagusiaren, Mukhamedzhan Talasov Defentsa ministro nagusiaren edo Bakytzhan Sagintayev Almatyko alkatearena.
Andrei Serdiukov Errusiako jeneralak, "bakegintza" taldearen komandanteak, soldatuek egindako lana eskertu du. Tropak, hilaren 6an iritsi ziren herrialdera, Tokaiev Kazakhstango presidenteak "mehatxu terroristari" aurre egiteko laguntza eskatu eta biharamunean.
"Kazakhstango Errepublikako OTSCko Bakearen Mantentze Indar Kolektiboen unitateak, zereginak beteta, Errusiako Indar Aeroespazialen garraio militarreko hegazkinetan ekipoak kargatzen eta materiala prestatzen ari dira", adierazi du Errusiako Defentsa Ministerioak.
