Itxi

Mundua

Aliantza Atlantikoa

Suediak eta Finlandiak NATOra batzeko prozesuarekin aurrera jarraitzen dute, Moskuren abisuei entzungor eginez

Agentzia | EITB Media

Magdalena Andersson Suediako lehen ministroak iragarri du herrialdeak formalki eskatuko duela NATOn sartzea, bi mendeko neutraltasun politikari amaiera emanez. Putinek ziurtatu duenez, NATOra batzea ez da berez Errusiarentzat arazo bat, baina bai bi herrialdeetan armamentua zabaltzen baldin badute.

  • Magdalena Andersson Suediako lehen ministroa astelehen honetan. Argazkia: EFE

    Magdalena Andersson Suediako lehen ministroa astelehen honetan. Argazkia: EFE

Suediak eta Finlandiak NATOra batzeko prozesuarekin aurrera jarraitzen dute, Errusiaren abisuei entzungor eginez. Segurtasuna areagotuko ez lukeela eta "hanka-sartze larria" izango litzatekeela ohartarazi du Moskuk.

Magdalena Andersson Suediako lehen ministroak astelehen honetan iragarri du herrialdeak formalki eskatuko duela NATOn sartzea, bi mendeko neutraltasun politikari amaiera emanez.

"Gobernuak Suedia NATOra batzea erabaki du", esan du Anderssonek prentsaurrekoan. Herrialdeko indar politiko nagusiek erabakia babestu dute. Gainera, Ukrainako gerrak segurtasuna okertu duela erantsi du agintariak.

Vladimir Putin Errusiako presidenteak ziurtatu duenez, Finlandia eta Suedia NATOra batzea ez da berez Errusiarentzat arazo bat, baina bai bi herrialdeetan armamentua zabaltzen baldin badute.

"Errusiak ez du arazorik bi herrialde horiekin. Ez digu mehatxu zuzenik sortzen", adierazi du Putinek. Hala ere, jarraian, zehaztu du: "bi herrialdeetan azpiegitura militarra ezartzeak, zalantza barik, gure erantzuna izango luke".

  • Bisitatuena

      Kargatzen ikusiena
      Kargatzen ikusiena