Gizon batek hiru lagun hil ditu tiroz Marylandeko lantegi batean

Ameriketako Estatu Batuetan, gizon batek hiru lagun hil ditu tiroz Maryland estatuko lantegi batean.

Bertan 14:30 zirenean, gizon bat arma erdiautomatiko bat soinean zeramala sartu da Smithsburg hiriko lantegi batean eta tiroka hasi da. Guztira, hiru pertsona hil ditu eta beste bat larri zauritu du, Maryland estatuko gobernadoreak jakinarazi duenez.

Hasiera batean, susmagarriak ihes egin du tiroketa gertatu den lekutik, baina gero aurkitu eta atxilotu egin dute.

Armen kontrolaren gaineko eztabaida puri-purian dagoen honetan gertatu da azken tiroketa. Maiatzean Buffaloko supermerkatu batean gertatutako tiroketan 10 pertsona hil ziren, eta Uvaldeko eskolakoan, ostera, 18 urteko mutil batek 19 ume eta 2 irakasle hil zituen.