Mundua -

AMERIKETAKO ESTATU BATUAK

Trumpek bere buelta posiblea aurreikusi du

Washingtonen adierazi du azken hauteskundeak irabazi zituela, eta 2024koetara aurkezteko atea zabalik utzi du.

Donald Trump astearte honetan. Argazkia: EFE.
Donald Trump astearte honetan. Argazkia: EFE.
Donald Trump astearte honetan. Argazkia: EFE.

AGENTZIAK | EITB MEDIA

Whatsapp Facebook Twitter Telegram Email

Etxe Zuria utzi eta 18 hilabeteren ostean, Donald Trump Ameriketako Estatu Batuetako presidente ohia astearte honetan berragertu da Washingtonen. Bertan, azken hauteskundeak irabazi zituela esan du, eta 2024koetara aurkezteko atea zabalik utzi du.

Trumpen buelta Ordezkarien Ganberako batzordeak Kapitolioari egindako erasoa ikertzen hasi direnean heldu da. Ordezkarien Etxeak Trump pasibotzat jo du, protestak garaiz geldiarazi nahi ez izatea leporatuta.

Errepublikanoak, bestalde, batzorde horretako kideei leporatu die "Errusiako agente bat zela esaten zuten berak direla". Izan ere, FBIk Trumpen 2016ko hauteskundeetarako kanpaina ikertu zuen Errusiarekin zituen loturengatik.

Bere itzuleran presidente ohiak argi utzi du bere herrialdeagatik "sakrifikatuko" dela, eta hori egitea berarentzat "ohorea dela", bestela nazioa "kondenatuta" egongo litzatekeelako "Venezuela edo Sobietar Batasuna izatera".

Hau zure interesekoa bada, baliteke beste gai hauek ere izatea
Nazioarteko albisteak 2024 Ameriketako Estatu Batuak Prentsa digitalaren azken orduko Gaurko azken ordukoa Donald Trump albisteak