Itxi

Mundua

Palestina

Israelgo Armadaren bonbardaketek hamar hildako eta 55 zauritu utzi dituzte Gazako Zerrendan

Agentziak | EITB Media

Hildakoetako bat bost urteko neskato bat da. Israelgo Armadak Taysir al Yabari Jihad Islamikoko bigarrena hil du bonbardaketan.

0:44
Bombardeo en Gaza

Israelen bonbardaketek gutxienez hamar hildako eta 55 zauritu utzi dituzte Gazako Zerrendan. Israelgo Armadak Jihad Islamikoko bigarrena hil du bonbardaketa batean.

Palestinako segurtasun iturriek baieztatu dutenez, Taysir al Yabari Jihad Islamikoaren erakunde armatuaren buruzagia hil dute etxebizitza eraikin bate aurkako erasoan.

Palestinako Osasun Ministerioak zehaztu du hildakoetako bat bost urteko neskato bat dela eraso berdinean.

Palestinako iturriek azpimarratu dutenez, etxebizitzen eraikinak komunikabideen eta gobernuz kanpoko erakundeen bulegoak hartzen ditu.

Al Yabariren hilketa Israelgo Armadak abiatutako erasoaldiaren markoan gertatu da. Zisjordania okupatuan, astelehenean, Jihad Islamikoko beste buruzagi bat atxilotu zuten.

Bombardeo israelí en la Franja de Gaza. Foto: EFE

Israelgo Armadaren bonbardaketan. Argazkia: EFE

Azken egunetan Israelek Gazako Zerrendaren mugak itxi ditu, baita inguruko errepide ugari ere.

Israelek aurreko erasoaldietan izandako jokabidea aldatu du; izan ere, Zerrendako talde palestinarren erasoei erantzun die orain arte, baina gaurkoan ez da aldez aurretik palestinarren erasorik izan.

Momento del ataque aéreo. Foto: EFE

Aireko erasoaren unea. Argazkia: EFE

Erasoaldiaren ondotik, Yair Lapid Israelgo lehen ministroak esan duenez, "Israelgo Gobernuak ez du onartuko Gazako erakunde terroristek Zerrenda alboko eremuan agenda ezartzea eta Israelgo Estatuko herritarrak mehatxatzea. Israeli kalte egin nahi dion orok jakin behar du: aurkituko dugu".

Mahmud Abbas Palestinar Aginte Nazionaleko presidenteak Israelen bonbardaketak irmo gaitzetsi ditu ohar batean. Gainera, "Abbas presidenteak nazioarteari eskatu dio, Israel Palestinako herriaren aurkako erasoa gelditzera behartzea, eta jendeari nazioartearen babesa ematea", erantsi du agiriak, Wafa Palestinako albiste agentzia ofizialak jakinarazi duenez.

Fauzi Barhum Hamas mugimenduko bozeramaileak salatu du Israelek "krimen berria egin duela". Ohar batean esan duenez, Israelek "ordaindu eta erantzukizun guztia onartu behar du". "Erresistentzia, bere fakzio eta arma militar guztiekin, borrokan baturik daude", ohartarazi du.

Era berean, Munther al Hayek Al Fatahko bozeramaileak bonbardaketa salatu du: "zibil desarmatuei eraso egin eta ikaratzea krimen berri bat da, Israelen okupazio indarrek Palestinako herriaren aurka egindako zerrenda luzean".

Ziad al Nakhala Jihad Islamikoko idazkari nagusiak Israelgo erdialdeari eraso egiteko mehatxu egin du. "Okupazioak garesti ordainduko du Gazaren aurkako erasoa, eta gaurkoaren ondotik ez dago marra gorririk, ezta bitartekaritzarik ere", adierazi du Nakhalak agiri batean. "Tel Aviv gure misilen jomuga izango da", ohartarazi du.

Yavnen, Ascalonen eta Israel hegoaldeko beste hiri batzuetan aire-erasoetako alarmak jotzen ari dira dagoeneko, baita Gazako Zerrendan ere.

  • Bisitatuena

      Kargatzen ikusiena
      Kargatzen ikusiena