Mundua -
Memphis hirian
Gutxienez lau lagun hil dituzte AEBn, egileak zuzenean transmititutako tiroketa batean
Tiroen ustezko egileak 19 urte ditu, eta atxilotu egin dute. Tiroketa Facebook bidez transmititu du zuzenean.
AGENTZIAK | EITB MEDIA
Gutxienez lau pertsona hil, eta hiru zauritu ditu gazte batek AEBko Memphis hirian, Tennessee estatuan, bere ibilgailutik egin duen tiroketan. Gazteak Facebook sare sozialaren bidez transmititu du tiroketa.
Tiroen ustezko egilea aurrekari penal ugari dituen 19 urteko gaztea da, eta atxilotu egin dute.
Poliziak jakinarazi duenez, atxilotua urte horretan bertan askatu zuten hiru urteko kartzela zigorra egotzita zortzi hilabetez kartzelan egon ondoren.
Memphis hiriak hainbat gertakari izan ditu berriki, hala nola Eliza Fletcher irakaslearen bahiketa eta ondorengo heriotza, eta polizia bati tiroz egindako erasoa.