Parlamentuko eskuina faxismoaren nostalgiarekin bateraezina dela dio Meloni ultraeskuindarrak

Hala adierazi du lehen ministroak, bere alderdikideetako batzuek Italiako Konstituzioa antifaxista dela ukatu ostean, herrialdeko Askapen Egunarekin bat eginez.

Giorgia Meloni, Italiako Anaiak alderdiko lehen ministroa. Argazkia: EFE.

agentziak | eitb media

publikatuta: 2023/04/25 11:06 (UTC+2)

azken eguneratzea: 2023/04/25 12:51 (UTC+2)

Giorgia Meloni Italiako lehen ministro ultraeskuindarrak esan du eskuineko alderdi parlamentarioak "faxismoaren edozein nostalgiarekin bateraezinak" direla. Hala adierazi du gaur, apirilak 25, Corriere della Sera egunkarian argitaratutako gutun baten bidez, Italiako Askapen egunarekin bat eginez.

Adierazpenok egunotan piztu den polemikaren eskutik datoz; izan ere, Italiako Anaiak alderdiko kide batzuek, Senatuko presidente Ignazio La Russak, besteak beste, esan dutenez, Italiako Konstituzioa ez da "antifaxista".

Ondorioz, Italiako partisanoen elkarteak (ANPI) —nazien okupazioaren eta faxismoaren aurka borrokatu zirenak— "antifaxista" dela publikoki esateko eskatu zion Italiako Gobernuari atzo.

Italiaren Askapenaren egunarekin bat eginez, Melonik bere adierazpenekin "urteurren hau harmonia nazionalaren berraurkikuntzaren une" bihurtu nahi izan du.

Hau zure interesekoa bada, baliteke beste gai hauek ere izatea

Zer gertatzen da munduan? Prentsa digitalaren azken orduko Gaurko azken ordukoa Italiako albisteak

Parlamentuko eskuina faxismoaren nostalgiarekin bateraezina dela dio Meloni ultraeskuindarrak

Esteka kopiatuta