Mundua -
ESTATU BATUAK
Gutxienez pertsona bat hil eta 20 zauritu dira Illinoisen, esklabutzaren amaiera ospatzeko festa batean
Emantzipazioaren Eguneko festa batean izan da tiroketa, kalean. 200-300 pertsona inguru zeuden bertan tiro hotsak hasi direnean. Zaurituetako bi larri daude.
AGENTZIAK | EITB MEDIA
Gutxienez pertsona bat hil eta 20 zauritu dira Illinoisen (AEB), Emantzipazioaren Eguneko ospakizunetan izandako tiroketa batean. Esklabutzaren amaiera ospatzen dute Estatu Batuetan Juneteenth izenez ezagunagoa den egunean. Astelehenean, ekainaren 19an, da egun ofiziala, baina asteburuan hasi dira festak hainbat lekutan.
Bart izandako tiroketa Illinoiseko Willowbrook kalean izan da, eta zauritutako bi pertsona larri daude. Bertako Poliziak jakitera eman duenez, 200-300 pertsona inguru zeuden festa ospatzen, ezezagun bat tiroka hasi denean.
Oraingoz, ez da beste informaziorik zabaldu.