Mundua -
HERIOTZA
Espaziora bidaiatu zuen lehen emakume estatubatuarra hil da
Minbiziak jota hil da, La Jollan (Kalifornia, AEB), 61 urte zituela. Ridek zientzia eta teknologia batez ere emakumeen artean dibulgatzeko enpresa bat sortu zuen.
ERREDAKZIOA
NASAk adierazi duenez, Ridek “generoen muga apurtu zuen, duela 29 urte Challenger espazio-anezkan espaziora bidaiatu zuen lehen emakume estatubatuarra bilakatu zenean”.
AEBetako presidenteak, Barack Obamak, doluminak adierazi ditu komunikatu baten bitartez. Presidentearen hitzetan, “Sally heroi nazionala eta eredua izan zen”, eta “neska gazteen belaunaldi bat inspiratu zuen”.
1987an espazio agentzia utzi zuenean, espazioaren inguruko ikerketari lotuta egon zen. 2001ean, zientzia, teknologia, matematikak eta ingeniaritza gazteen artean (bereziki besken artean) zabaltzeko enpresa bat sortu zuen.