Kaliforniak gehiago gastatzen du espetxeetan unibertsitateetan baino

Kaliforniak, AEBtako estaturik jendetsuenak, unibertsitateetan baino, diru gehiago inbertitzen du egun espetxeetan, argitaratu berri den txosten baten arabera.

California Common Sense irabazi-asmorik gabeko elkarteak argitaratutako txostenak 1981 eta 2011. urteen bitartean estatuak espetxeetan eta unibertsitateetan gastatutako dirua aztertu du. Goi-mailako heziketarako gastua % 13 jaitsi dela ondorioztatu du, eta espetxeetakoa ordea, % 436 hazi dela. Halaber, estatuak geroz eta lagun gehiago atxilotzen dituela kontutan hartuta, espetxeetarako aurrekontuak % 55 hazi dira. Azken hiru hamarkadetan, espetxeetan dauden lagunen kopurua, bertako biztanleria baino zortzi aldiz gehiago hazi da.

Egun, goi-mailako hezkuntza sistema unibertsitateetako matrikuletan oinarritzen da batik bat, horregatik, ikasleen protestak geroz eta ohikoagoak dira. Unibertsitate publikoen aurrekontuen murrizketak, eskaintza gutxitzea ekarri du, eta ondorioz, ikasketak garestiagoak izateaz gain, ikasleentzat zailagoa da bertara joateko aukera izatea.