Mundua -
Konpentsazioa iruzurragatik
Madoffen biktimek 2.479 milioi gehiago jasoko dituzte
Erreklamazio onargarriak dituzten biktimek 2.497 milioi dolar inguru jasoko dituzte, inbertitzailearen iruzurrak sortutako galeren konpentsazioko bigarren txandan.
Erredakzioa
Bernard L. Madoffen biktimek, erreklamazio onargarriak dituztenek, laster 2.497 milioi dolar (1.929 milioi euro) jasoko dituzte inbertitzailearen iruzurrak sortutako galeren konpentsazioko bigarren txandan, Irving Picard Madoffen ondasunen likidazioaren administratzaileak jakitera eman duenez.
Madoffen fideikomisoak azaldu duenez, bigarren txanda honetan emango den dirua, orain arte emandako 1.146 miloi dolarrekin (885 milioi euro), orain dauden erreklamazioen % 50 betetzen ditu.
Oraingo honetan, erreklamazio onargarriak dituzten 1.230 biktimek jasoko dute eskatutako diruaren % 33,556a, iruzurragatik guztiz konpentsatuak izan ezean. Ordainketa honen ostean, iruzurrak eragindako 182 pertsona gehiagok kalte-ordaina jasoko dute, ondorioz, guztira 1.074 izango dira hori jaso dutenak.
"Prozesu hau oso gustukoa den arren, ez gara geldituko kontsumitzaileen funtserako aktiboak berreskuratuz jarraitzeko, eta konpentsazio gehiago egingo ditugu ahal bezain laster", adierazi du Picardek.