Mundua -

AEB

Donald eta Melania Trumpek 'memecoin' kriptotxanponak merkaturatu dituzte inbestidura baino lehen

Kriptomoneta memeak, 'memecoin' izenarekin ere ezagunak, txanpon birtual espekulatiboak dira eta Interneten biralizatutako memeetan inspiratuta daude.

Trump eta Melania azken agerraldi batean. EFE.
Trump eta Melania azken agerraldi batean
Trump eta Melania azken agerraldi batean. EFE.

AGENTZIAK | EITB MEDIA

Whatsapp Facebook Twitter Telegram Email

Melania Trump AEBko lehen dama izango denak bere "meme kriptomoneta" propioa kaleratu du igande honetan. $MELANIA izena du kriptotxanpon berriak, eta senarrak, Donald Trumpek, boterea hartu bezperan merkaturatu du.

Joan de ostiralean, Trumpek berak bere tokenaren berri eman zuen, eta haren kasuan, ukabila altxatuta duen presidente hautetsiaren irudia dakar txanpon birtualak, joan den uztailean Butlerren (Pennsylvania) hauteskunde mitin batean belarrian tiro egin ziotenean egin zuen keinu bera, hain zuzen.

Memedun kriptomonetak, 'memecoins' izenarekin ere ezagunak, txanpon birtual espekulatiboak dira.

Melaniaren kasuan, buruzagi errepublikanoaren emaztea agertzen da, zuri-beltzean, irribarretsu eta eskuak elkartuta, aurpegiaren zati bat estaltzen.

Saltzeko sortu diren webguneetan ohartarazten da Melaniaren eta Donald Trumpen 'memecoin' digitalak bildumagai digitalak direla, eta haien helburua dela "laguntza- eta konpromiso-adierazpen gisa funtzionatzea" $MELANIA edo $TRUMP ikurrak eta harekin lotutako artelanak irudikatzen dituzten balioekin, eta "ez daude bideratuta inbertsio-kontratu edo -balio izatera, ez inbertsio-aukera bat izatera ere.

Hau zure interesekoa bada, baliteke beste gai hauek ere izatea
Nazioartea Eguneko albisteak Albisteak Donald Trump Melania Trump