Mundua -
GERRA KOMERTZIALA
Trump muga-zergen inguruan akordioak lortzeko prest dago "proposamen bikain bat egiten digun edonorekin"
Trumpen esanetan, "muga-zergek negoziatzeko ahalmen handia ematen digute; izan ere, emaitza onak lortu ditugu beti muga-zergekin, eta oso ondo erabili nituen aurreneko agintaldian".
EITB MEDIA
Donald Trump Ameriketako Estatu Batuetako presidentea muga-zergen inguruan akordioak lortzeko prest agertu da, herrialderen batek "primerako" akordio bat eskaintzen badio.
Air Force One hegazkinean egin ditu hitzok, kazetariekin egindako solasaldi batean.
"Muga-zergek negoziatzeko ahalmen handia ematen digute; izan ere, emaitza onak eman dizkigute beti, eta oso ondo erabili nituen aurreneko agintaldian. Orain, maila berri batera eraman ditugu muga-zerga horiek", adierazi du.
Bestalde, Maros Sefcovic Europar Batasuneko Merkataritza komisarioak bilera egin du gaur AEBko merkataritza arduradunekin, Trumpek iragarritako muga-zergak negoziatzeko asmoz.
Europar Batasuneko herrialdeei % 20ko muga-zerga ezarri die Trumpek, eta horri inportatutako autoen gainean ezarritakoa (% 25) eta altzairuaren eta aluminioaren gainekoa (% 25) gehitu behar zaizkio.