Mundua
United Airlines
Hegazkin bat desbideratu dute kanpoko atea zabaltzen saiatzeagatik
Erredakzioa
Ezbeharra Washingtonetik Las Vegasera zihoan. Denverko aireportuaren bozeramaileak jakinarazi duenez, "ezinezkoa da hegaldi baten bitartean kanpoko atea zabaltzea".
Washingtonetik Las Vegasera zihoan United Airlines konpainiako hegazkin bat Denverreko nazioarteko aireportura desbideratu egin dute bidaiari batek hegaldia bitartean kanpoko ate bat zabaltzen saiatzeagatik.
Ezbeharra 04:45ak aldera jazo da (Espainiako 22:00ak) eta hegazkina ordu laurden beranduago Denverren lurreratu da, ''Denver Post'' egunkariak adierazi duenez.
Aireportuko autoritateek susmagarria galdekatu dute. Kathy Wright FBIko bozeramaileak adierazi duenez, atxilotuak alhokola hartu zuen hegazkinera sartu aurretik eta hegazkinean bertan. Kasuaren ikerlariek azalduko dituzte atxilotutakoari leporatuko dieten karguak.
Bestalde, Jeff Green Denverko aireportuaren bozeramaileak jakinarazi duenez, "ezinezkoa da hegaldi baten bitartean kanpoko atea zabaltzea".
