Hondakin nuklearrak biltzeko hautagaitza aurkeztea erabaki du Ascok

Ascoko Udalak onartu egin du Estatu osoko hondakin nuklearrak bere herrian biltzeko hautagaitza aurkeztea, goizean egindako ez-ohiko bilkura batean.

Bilkura tentsio handikoa izan da, Hilobi Nuklearraren kontrako Koordinakundeak elkarretaratzea egin du udaletxearen kanpoaldean eta hainbat bizilagun plenoa jarraitzen izan dira.

Rafael Vidal alkateak eta CIUko lau zinegotziek alde bozkatu dute, baita PSCko ordezkariak ere. Bi abstentzio izan dira eta oposizioan dauden bi hautetsi independentek kontra bozkatu dute.

Gauzak horrela, Asco eta Guadalajarako Yebra herria dira hondakin nuklearrak gordetzeko biltegia hartzeko hautagaiak. Espainiako Gobernuak hartu beharko azken erabakia bihar bertan.